【育幼趣聞】

陳婷婷–Pario教育主任  註冊幼兒中心主管

 

   作為教育工作者，常常遇到令人捧腹卻又令人感動的育幼趣聞，總讓人會心微笑；筆者希望透過文字媒介，分享我們育幼工作的點點滴滴，引起大家的共鳴與反思。

 

天氣乾燥的早上，爸爸陪同四歲兒子上學途中的對話。
爸爸：嗱！潤唇膏我放係書包後面呢格。
兒子：唔好呀！老師話唔可以帶返學㗎！
爸爸：點會呢，又唔係玩具，你有用先攞出嚟搽嘛！老師唔會鬧喎！
兒子：真係唔得㗎！上次同學跌咗支潤唇膏出嚟，就俾老師收咗喇！
爸爸：無理由，今日乾燥吖嘛！你同老師講，老師無理由會收。
兒子一臉誠懇的仰望爸爸：係真㗎！老師唔俾帶，你信我啦！
爸爸：放咗係書包喇！你唔攞出嚟咪得囉！
兒子：吓…你信我啦！真係唔可以帶㗎…爸爸：（加快步伐，沒有再回應）
兒子小跑地緊貼爸爸身後說：你信我啦！（重覆N次）
直到父子身影遠去，兒子還是重覆的說著”你信我啦！”
最終，不知道這位幼兒的潤唇膏會被老師沒收，還是會安然的帶回家裡呢？
   爸爸，你為何不細心聽孩子的心聲？「你信我啦！」孩子表示他說的是事實，「你信我啦！」孩子表示不想被老師沒收潤唇膏，孩子很擔心會遇上不愉快的經驗。

假如爸爸想想方法，例如教導兒子向老師說明帶潤唇膏回校的原因，例如讓孩子選擇不帶潤唇膏回校等，爸爸給孩子回應很重要，既可提升兒子的解難能力，又可增進父子間的互信關係。

難道爸爸有隱衷？確保潤唇膏放進兒子的書包內是太太之命不得異議？